المدعي للمبدع سمير لطفي علي

المدعي

عايز تقولي
انك تملي
سبعي وبطلي...
وباشا وبيه

وان شفت كلبي
دايماً بتجري
وتقولي أصلي
ساكت عليه

وأنت يا أفندي
دايماً عملي
في شغلك تعلي
وصاحب جنيه

ومره معدي
لقيتك موطي
بترص الحجارة
جوه الكافيه

وتقول بصلي
شافعي وحنفي
وفي الصوم تأدي
ومعرفش إيه

وانت بتهزي
وتحل دمي
وتكفر وتهدي
إلي تقول عليه

وأنت في عرفي
نصاب وخريتي
وصاحب إزازة
في كل كبارية

وعملي وطني
ومصر أمي
ومحدش أدي
وهشك عليه

وأنت بتعوي
مش هيجدي
يا حثالة شعبي
جرالك إيه

إن قلت أمشي
مش هتمشي
ولا بالطبل البلدي
طب عايز إيه

سمير لطفي علي
القاهرة