حلب للمبدع د.رمزي عيد

حلب

كنتي عروس الكون وعتابك ذهب
كنتي العطر واللون ع دراجك سكب
طاغي بسماكي نال بالقلب عتمان...
تراب البطولة تهون دماتك شرب

بعد القتل والضرب و السهر دخان
قلعة صباكي تنوح امجادك غصب
بعد الهجر و الغلب و الطرب بكيان
ضلع الوفا مجروح ليلاتك نحب

سنين الظلم والحرب بالعمر كفيان
نهب و مجاعة روح بأبنائك سلب
رجعتي عروس النصر بعونة الرحمان
فرسان مجدك سيف عالحما سهران
ترفع بيارق نور ع سوارك حلب

رامز عيد